【敏感肌如何選擇護膚產品成分】

敏感肌的成因眾多，因此選擇護膚品時要格外小心，以下有3大原則！

1. 保濕
皮膚唔夠水分，細胞之間有空隙，致敏原就會好易進入皮膚。乳木果﹑玻尿酸﹑甘油﹑維他命B3/B5等等都係常見同非常有效嘅保濕成分。

2. 消炎
敏感皮膚屏障破損，會引起紅腫發炎症狀，所以應該選用具修復消炎成分嘅護膚品。積雪草有消炎、抗菌﹑癒合創口和鎮定作用，適合敏感受損肌膚。

3. 止痕
皮膚受到致敏原刺激時，神經會發出痕癢信號。而一款護膚成分 – 活性聚合肽能夠阻截疼痛信號同痕癢感，減少不適感同過敏反應。

【敏感肌可以用抗衰老產品嗎】

好多朋友都擔心敏感皮膚脆弱，會受唔住抗衰老產品。其實只要小心選擇，敏感肌膚都可使用溫和而高效抗老成分。

抗氧化
抗氧化有助延遲衰老，敏感肌可選用低濃度嘅左旋維他命C，性質溫和，具抗氧力，滲透力極高

深層保濕
透明質酸儲水力強，不刺激，可於肌底保濕鎖水，令皮膚保持水彈滋潤，趕走乾紋

改善皺紋
維他命B3可以促進真皮產生膠原蛋白，撫平細紋，改善肌膚老化現象，讓肌膚年輕有彈性。

【皮膚屏障和敏感肌的關係】

過敏係人體免疫系統對無害外來物質產生過激嘅發炎反應。正常免疫系統係人體內一個重要嘅防禦、偵測機制，係身體對抗疾病的戰鬥力。但過敏患者免疫系統會連本身無害的物質也作出攻擊，繼而引起過敏症狀，，　常見包括皮膚痕癢﹑繃緊﹑發熱﹑刺痛等。

皮膚是環境與免疫系統之間的天然屏障，如果削弱了皮膚屏障，失去細胞間填充物質，角質層鱗片狀剝落，免疫細胞可能會暴露於外界，這會使致敏原﹑刺激物或病原體容易滲透到皮膚中，當免疫細胞接觸到外來致敏原便會產生過敏反應。
所以，有皮膚敏感嘅朋友，應該持續滋養皮膚，令皮膚更具抵抗力，則第一層細胞會更堅固，它們對環境的反應都會減少。

【敏感肌的換季需知】

換季時溫度、濕度會跟著改變，如果你的肌膚正處於不健康的狀態，很容易就會因外在環境的一點小改變而無法適應，令過敏症狀加劇。留意以下3點，幫你渡過換季煩惱!

適當水溫
秋冬用熱水沖涼雖然舒服，但高溫會削弱皮膚屏障，失去保護作用。建議可將沖涼時間縮短，或者用半溫冷水沖涼。

溫和的保養品
避開香料、酒精、色素，減少對肌膚的負擔，使用低敏親膚配方的保養品。

減少肌膚摩擦
改變洗面後用毛巾，或者用化妝棉擦爽膚水嘅習慣。過度摩擦會令肌膚泛紅狀況更加嚴重，建議可用面紙按壓洗面後嘅水分，以及用手直接上爽膚水。

【疫情下的敏感肌護理】

防疫時期，人人口罩不離面，長期佩戴口罩容易令皮膚出現敏感問題，到底應該如何保養，減少敏感狀況?

1. 減少化妝
口罩焗住皮膚，如果加上濃妝，皮膚透唔到氣，除咗會容易生粒粒，更可能引發皮膚紅腫。所以建議改換輕透淡妝，甚少盡量減少化妝。

2. 注意口罩質料
口罩多數使用不織布為質料，當中纖維同皮膚磨擦時，就會容易引起過敏。雖然純棉的織品比較親膚，但防菌效果較弱，建議大家最好選用醫用口罩，但可以留意質料是否柔軟。如非必要時，可適時除下口罩通風透氣。

2. 選用低敏護膚品
口罩會令到皮膚水分容易流失及誘發過敏症狀，建議選用配方溫和﹑清爽質地嘅保濕產品，避免酒精、香料等刺激成分。

【生粒粒，是敏感，還是暗瘡?】

好多人以為，生粒粒一定係暗瘡，其實生粒粒有機會係因為皮膚敏感，所以要先分清楚出現粒粒嘅狀況。

如果生粒粒同時，皮膚有紅腫﹑發熱，或者血管明顯擴張，就有可能屬於皮膚敏感而非普通暗瘡，，呢個時候最重要係要穩定舒緩皮膚，做好保濕。如果持續十分嚴重，記得咨詢專業醫生意見呀！

記住唔好因為生粒粒就不斷控油，反而會適得其反!