對抗嚴重濕疹好似一場漫長嘅馬拉松，病情時好時壞，甚至會好想放棄，但係其實你並不孤單！金牌主持人陳芷菁聯同香港過敏協會會員，一齊提醒大家「一步一希望，Keep going」！
芷菁除咗參與短片拍攝，仲出席咗本會舉辦嘅 藝術治療工作坊，同嚴重濕疹患者一齊傾吓計。我哋一齊睇吓！
「對抗嚴重濕疹嘅征途就好似跑馬拉松一樣漫長，有時喺黑暗中只見到一點光，但我相信嗰一點光就係希望。」- 鄭媽媽
「濕疹患者比一般人更加唔想起身返工返學，因為每朝起身啲皮膚都要重新適應。我好多謝媽媽，雖然心痛我睡眠不足，仍然堅持叫醒我準時返工。」- Charlie
「唔應該比病情限制自己，要努力創造生命嘅色彩！」 - Charlie
「濕疹唔代表我嘅一切，我有自己嘅性格，有自己嘅興趣。」- Veronica
「我希望我將來可以提升社會嘅生活質素，等大家生活得開心啲。」 - Veronica
「有濕疹對襯衫係一個挑戰，我怕大家注意嘅唔係我嘅打扮，而係我嘅皮膚。」- Kesha
「我覺得我嘅強項係配搭飾物，誇張嘅飾物可以轉移其他人對我皮膚嘅注意力。」 - Kesha
「冇諗過我會咁享受冥想，平時搵唔到方法放鬆，反而啱啱就教咗我呢個方法。」- 阿Yan
「我想同媽咪講聲辛苦哂，佢為咗照顧我放棄咗好多嘢。我以後會好好照顧自己，你可以放心。」 - Veronica
「我製作嘅頭巾有幾支七彩羽毛，象徵住我好感恩可以向其他人發放正能量。」- 現任社工嘅濕疹患者, Bonnie
SAHK.DUP.19.03.0128/MAR2019